       |
|
    |
|
Istunyahanadii Puntland oo soo kala Dhuuheynaya
Laasqoray, July 14, 2008 (All Dhooftinle)
Maalmahan dambe Istunyahanadii Puntland waxay u
soo kala dhuuheynayaan sidey u qaadan lahayd koobka "Qoyska
Jarmalka" ah ee ay uga carartay Istunyahanadii
Soomaliland.Waxay Puntland wufuud fara badan oo hadal macaan iyo sasabasho keliya haya u soo dirtay Sanaag Bari si ay uga hesho Gaadh Hayaha kalsooni ay kula hadasho dadka qafaashey Qoyska Jarmalka ah.
Carab Xasan oo ku Taliyey Ugaaslabku Iney
Cududdooda Muujaan, Dadka Kalena ka Eryaan Magaalada
Laasqoray Laasqoray (All Dhooftinle)
Gaadh Hayihii oo Shaxdii Istunka Irmaan Kaga Fooray Soomaliland
Laasqoray, July 12, 2008 (All Dhooftinle)
Istunyahanadii u cayaarayey Soomaliland ee Laasqoray ka caydhiyey Cayaartoygii Puntland ayaa si degdeg iyo lama filaan ah Sanaag Bari uga kala yaacay, ka dib markey garwaaqsadeen in waddooyinkoo la xidho oo dhadhaabo lagu soo riixo iyo konton odey oo jararka hub la dul fadhiisataa ay tahay Irmaan (Khidadda shaxda sida degdegga ah loogu fooro) ay ku khasaarayaan.
Gaaskii Gaadh-Haye oo Cayaarta ka Qayb Gelaya
Laasqoray, July 10, 2008 (All Dhooftinle)
Odayadii ka hadhay Gaadh-Haye ayaa u xusul
duubtay sidey uga qayb qaadaan lahaayen cayaartaa lagu qabanayo
degaankooda. Odayadaasi waxay rumeysan yihiin iney koobka ka
qaadan karaan Istunyahannada Soomaliland iyo Puntland haddey
wadooyinka Buuraha Cal Madow dhadhaabo iyo dandaano ku riixaan
ilaa kontomeeyo ruug caddaa ahna ku dul daadiyaan jar
caleedyada.Odayadaasi waxay ku fekerayaan oo kale intaan Istunka la bilaabin in loo daawasho geeyo caayaartoyga Puntland iyo kuwa Soomalilandba: Ceel Cad (Colka wadhaf ma lagu deyey goobtey ku soo baxday) oo ah halkii ugu horeysey ee Soomalidu ay gaaladii dhulka uga soo horreyesey ku jebisey, Buuro Cir u Dhow oo ay weli yaalliin calaamado muujinaya raarkii iyo sallaamadii loo dhigtay Awrka Cirka, iyo weliba Istunyadii qadiimka ahaa buurihii laga daadiyey qaar badan oo Soomali ahaa.
Cayaarta Istunka Xaaraanta ah iyo Koobka Qoyska Jarmalka ah
Laasqoray, July 08, 2008 (All Dhooftinle)
Cayaarta Istunka Xaaraanta ah ee dhiigga
Soomalida lagu daadiyo oo la filayey iney dhowaan fagaarayaasha
magaalada Laasqoray iskaga hor yimaadaan saddexda kooxood ee u
kala cayaaraya Maakhirland, Somaliland iyo Puntland ayaa madmadow
iyo hakad gashay.Kooxda Maakhirland ayaa ku hanjabtey iney cayaartaa faraha kala baxayso, iyadoo ku dacwooneysa iney Somaliland iyo Puntland ka dhaxleen dawladihii hore ee Soomaliya dekedaha Berbera iyo Boosaaso, sidaa awgeedna ay gar tahay in Maakhirland la siiyo waqti ay deked, ciidan, hub,calan iyo lacag u gaar ah ku sameysato.
Kooxda
Puntland magaceeda ku cayaareysa oo iyadu cayaaro kulul kula jirta kooxaha
macdan baadhista iyo kooxo kaloo fara badan oo ka cayaaraya Koonfurta
Soomaliya ayaa iyadu rabta, si aan loo qashqashaadin, in doorkanna layska
siiyo Istunyahannada Soomaliland koobka lagu magcaabo Qoyska Jarmalka.
Kooxda Soomaliland magaceeda ku cayaareysa
ayaa iyadu si wanaagsan ugu soo diyaar garowdey cayaartan Istunka
Xaaraanta ah. Qabqablayaashii, Siidhiwalayaashii iyo kuwii u mashxaradi lahaa kooxda Soomaliland ayaa ilaa iyo hadda qaadan la' sida looga meermeerayo cayaartaa ay u soo hureen nafta inamadooda, waqtiga iyo kharashkaa faraha badan.
