Calanka Ugaaslabe
Melbourne, 24 Oct 2012 (AllDhooftinle.com)

Shir aad loo soo agaasimay oo waxgaradka beesha Maakhir ee Australia iyo New Zealand ...

Waxgaradka Beesha Maakhir ee Australia iyo New Zealand

Shir aad loo soo agaasimay oo waxgaradka beesha Maakhir ee Australia iyo New Zealand taarikhdu markay ahayd 23 October 2012 ayaa lagaga arinsaday laguna falanqeeyey waxyaalo badan oo khuseeya beelweynta; Maakhir gudo iyo debedba.

Nuxurka shirka ayaa ku saabsana sidii loo dooran lahaa Gudoomiye, iyo Gudoomiye ku xigeen, waxa kaloo shirka loo qabtey wada shaqaynta iyo xoojinta Jaaliyda Maakhir ee Australia iyo New Zealand, kordhinta xiriirka iyo waxqabadka ku aadan degaanka maakhir, iyo sidii loola xiriiri lahaa jaaliyadaha kale ee reer Maakhir wadamada kale ku nool, loo kordhin lahaa si looga arinsado marxalada kala guurka ah ee Soomaaliyaa marayso iyo sidii beesha Maakhir ulla anbaqaadilahayd isbedelada dhacaaaya loona soo afjari lahaa khilaafaadka beryahan danbe soo ifbaxayey.

Shirkan oo ay kasoo baxeen Go'aamo wax ku oola ayaa sidan u dhignaa:

  1. Waxay jaaliyadu dooratay gudoomiye iyo gudoomiye ku xigeen oo lookala doortay: Xuseen Maxamed Yaaquub Gudoomiye, halka Yaasin Shire Farmayeeri loo doortay Gudoomiye Ku xigeen.


  2. Sidoo kale waxaa xiriiriye loo doortay Eng Ciise Xawar, oo ka socday waftida reer New Zealand, isagoo xiriirin doona dhamaaan jaaliyada reer Maakhir ee kudhaqan qurbaha kana shaqayn doono isusoo dhowaanshaha iyo xiriir wanaaagga qurba joogta reer Maakhir


  3. Waxay jaaliyadu ugu baaqaysaa dhamaan bahwaynta reer maakhir in lataageero horumarka deegaanka ka socda oo ay ugu horayso DEKEDA Laasqoray, meelna looga soo wada jeensado cid alla ciddii xagal daacin kuwada gude iyo debedba horumarka deeganka.


  4. Waxay kaloo jaaliyadu ku baaqaysa in taageero buuxda lasiiyo maaamulka laga hirgelinaayo Jubooyinka, isla markana soo jeedinaysaa in dadka deeganka ah faraha looga qado inay maamulkoda soo dhistaan oo aan wax faragilin ah lagu samayn.


  5. Ugu danbeeyntii waxa kaloo jaaliyadu is la garatey, oo ku baaqaysa in laga shaqeeyo sidii loo qaban lahaa shirwayne beesha Maakhir, oo ka dhaca dalka gudihiisa, si wada jir ahna looga qayb galo, gudaha iyo debeddaba, shirkaas oo laga tashado aayaha, midnimida beesha, loona sameeysto hanaan siyaasadeed oo beeshu u dhantahay.

Eng Nuur Ow-yusuf

Eng Aadan Xaaji Saalax

Oday Maxamed Maxamuud

Oday Muuse Gogle

Aqoonyahan Yaasin Shire Farmayeeri

Aqoonyahan Abdixakiin Kediye

Aqoonyahan Xassan Cabdi Cashuur

Gudoomiye Xuseen Maxamed Yacqub

Eng Ciise Xawar





Mansur Aljacfari
mansu@alldhooftinle.com


AllDhooftinle.com